Poem of the day

Scots Wha Hae
by Robert Burns (1759-1796)

Scots, wha hae wi’ Wallace bled,
Scots, wham Bruce has aften led,
Welcome to your gory bed,
      Or to victorie.

Now’s the day, and now’s the hour;
See the front of battle lour;
See approach proud Edward’s power –
      Chains and slaverie!

Wha will be a traitor knave?
Wha can fill a coward’s grave?
Wha’s sae base as be a slave?
      Let him turn and flee!

Wha for Scotland’s King and Law,
Freedom’s sword will strongly draw,
Freeman stand, or freeman fa’?
      Let him follow me!

By oppression’s woes and pains!
By your sons in servile chains!
We will drain our dearest veins,
      But they shall be free!

Lay the proud usurpers low!
Tyrants fall in every foe!
Liberty’s in every blow!
      Let us do, or die!

Leave a Reply

Your email address will not be published. Required fields are marked *